असा बेभान हा वारा

असा बेभान हा वारा कुठे ही नाव मी नेऊ नदीला पूर आलेला कशी येऊ कशी येऊ ? जटा पिंजून या लाटा विखारी झेप ही घेती भिडे काळोख प्राणांना दिशांचे भोवरे होती जीवाचे पूल हे माझ्या तुझ्या पायी कशी ठेऊ ? कुळाचे लौकीकाचे मी क्षणी हे तोडिले धागे बुडाले गाव ते आता बुडाली नाव ही मागे दिले हे दान दैवाने करी माझ्या कशी घेऊ ? जगाच्या क्रूर शापांचे जिव्हारी झेलले भाले तुझे सौभाग्य ल्याया हे तुझी होऊन मी आले तुझे तू घे उरी आता किती मी हाक ही देऊ ? शब्द : मंगेश पाडगावकर संगीत : पं. हृदयनाथ मंगेशकर स्वर : लता मंगेशकर